أحلام الفتى البايظ
انا شاب طموح ، زى كل شباب مصر قبل ما يتخرجوا من الجامعه طبعا ويقعدوا على القهاوى ، بس دلوقتى خلاص الطموح تطور بقى بينتهى بعد 2 ثانوى على طول.
ان مثلا هكلم عن احلامى وطموحاتى.... فى شكل حوار بينى وبين عقلى.
- انا نفسى أدخل هندسه ... يا سلام لو الواحد يخترعله قانون ... مع انى لسه صغير بس حاولت محاولات كلها فشلت بس حسيت انى قربت...يا سلام لو القانون يتكتب بأسم جامعه القاهره .. وحد غيرى يعمل معادله مهمه فى الكيمياء يبقى الهندسه والطب اتقدموا وننهض بالأمه الكسلانه دى.
- ايه هندسه ... وطب ده أنتا جبت 92% يعنى لازم تجيب السنه دى 98% علشان كليه الهندسه فى المنيا تفكر تقبلك...
-طيب نفسى ابقى عازف على القيثار( الجيتار) وفعلا اشتريت جيتار وحلمى انى اعزف عليه ويدوبك لقط شويه اغانى من اصحابى أجنبيه عرفت اعزفها من على الجيتار.
- بس الجيتار ده موضوع كبير وعايز دروس خصوصيه فى الموسيقى والنوته ... وأنتا مش ناقص دروس...يعنى أنسى يا عمرو انك تأخذ دروس .
ولو دخلت هندسه أنسى يا مدحت انك تبقى فاضى علشان تبص على الجيتار ... ولو مدخلتش هندسه هتلاقى الجيتار تانى يوم أتكسر .. انتا ال كسرته ولا أبوك مش هتفرق.
- نفسى برضه أطلع لاعب كره .. انا بعر العب كره كويس جدا والحمد لله أصحابى بيقولولى كده ....وكمان كنت بألعب فى مدرسه الكره فى نادى الزمالكوأنا صغير بس الأبتدائيه حالت بينى وبين النادى خصوصا انه كان بعيد جدا.ومن ساعتها وانا ما شوفتش نادى الزمالك وناوى أقدم تحت 18.
- بس يا فتك لو دخلت هندسه مش هتبقى فاضى . ولو مدخلتش هتلاقى ابوك بيقولك ايه الكلام الفارغ ده .. ولو عرفت تقنعه .. هادى دقنى اهه لو عرفت تطلع للفريق الأول الا لما يكون عندك 40 سنه .... وهما اساسا هيبيعوك لحرس الحدود.... طريقك مسدوم يا ولدى مسدود.
- طيب نفسى اطلع كاتب كبير مش لازم كتبى تتعمل أفلام زى أحلام معظم الكتاب . . لا ، انا عايز كتاب يتأثر به القارئ والحاجات دى وانا الحمد لله عندى الموهبه.
- موهبه على ايه ده انتا حمار... ده انتا مكسبتش فى بدايات الكان عندى امل انك تكسب فيه ... وانا اساسا معنديش أى امل انك تكسب فى مولوتوف ، لأن فى ناس بتكتب فيها عظماء.. فمش معقول هيخدوك انتا يا حمار.
- معلش انا لسه صغنن والناس دى كبيره وبتكتب من زمان وبعدين انا فى ثانويه عامه وفين وفين لما بكتب وهما قاعدين ليل نهار بيكتبوا.
- لا يا حمار مهو انتا لما تكبر هتبقى بغل .. يعنى يبقى الحال كما هو عليه وهما كمان هيكبروا وفى ناس تانيه هتكبر وانتا هتعمل ايه فى الزحمه دى ... يابنى الكار ده مش كارك.
- طيب نفسى أمثل ، انا شكلى لا بأس منه ، أمثل كوميدى أكشن ... انشاالله فيلم رعب المهم أمثل... كام مره وقفت قدام المرايا و قعدت أمثل وأتخيل نفسى جنب انجلينا جولى وجون ترافولتا وباضِرب من جاكى شان.
- هتمثل كان غيرك اشطر... اما اساسا ال متخارجين من معاهد التمثيل بيمثلوا أنهم متخرجين من كليه الطب والهندسه هتعمل انتا أيه يا خريج تجاره يا معفن ... اه اخك تجاره جايبلى 92 .. يادوب تلحق.
- طيب ما تبصلها بشويه تفائل.
- أعطينى مما أعطاك.
- يعنى أفرض دخلت هندسه وأخذت PRIVATE سنتين فى الموسيقى وحصتين فى الاسبوع علشان يبقى كورس مكثف وأبتدى من 2 جامعه علشان الاعداديه صعبه .. وتكتب فى أوقات الفراغ كده زى ما أنتا بتعمل وشويه شويه هتأخد الخبره والحبكه الدراميه ، ولما يكون عندك 18 سنه ولا حاجه قدم فى نادى الزمال تحت 20 ولو اثبت نفسك مش هيسبوك، والتمثيل بقى....
- خخخخخ خخخخ خ خ خخخخ خخخخخ.
- يا عقلى انتا نمت، ده انا لسه عندى احلام كتير.
- نام بقى الله يهدك.. مش انتا عايز تحلم نام يا حبيبى وأنتا تحلم...بلا طموح بلا كلام فاضى. الكلام ده يابنى مابيوكلش عيش.
- تصبح على خير يا متفائل ، والنبى أدينى حبه تفائل فى كيس .
- بتتريق ، عندك حق مهو المتفائل فى الزمن ده يبقى بايط.
انا شاب طموح ، زى كل شباب مصر قبل ما يتخرجوا من الجامعه طبعا ويقعدوا على القهاوى ، بس دلوقتى خلاص الطموح تطور بقى بينتهى بعد 2 ثانوى على طول.
ان مثلا هكلم عن احلامى وطموحاتى.... فى شكل حوار بينى وبين عقلى.
- انا نفسى أدخل هندسه ... يا سلام لو الواحد يخترعله قانون ... مع انى لسه صغير بس حاولت محاولات كلها فشلت بس حسيت انى قربت...يا سلام لو القانون يتكتب بأسم جامعه القاهره .. وحد غيرى يعمل معادله مهمه فى الكيمياء يبقى الهندسه والطب اتقدموا وننهض بالأمه الكسلانه دى.
- ايه هندسه ... وطب ده أنتا جبت 92% يعنى لازم تجيب السنه دى 98% علشان كليه الهندسه فى المنيا تفكر تقبلك...
-طيب نفسى ابقى عازف على القيثار( الجيتار) وفعلا اشتريت جيتار وحلمى انى اعزف عليه ويدوبك لقط شويه اغانى من اصحابى أجنبيه عرفت اعزفها من على الجيتار.
- بس الجيتار ده موضوع كبير وعايز دروس خصوصيه فى الموسيقى والنوته ... وأنتا مش ناقص دروس...يعنى أنسى يا عمرو انك تأخذ دروس .
ولو دخلت هندسه أنسى يا مدحت انك تبقى فاضى علشان تبص على الجيتار ... ولو مدخلتش هندسه هتلاقى الجيتار تانى يوم أتكسر .. انتا ال كسرته ولا أبوك مش هتفرق.
- نفسى برضه أطلع لاعب كره .. انا بعر العب كره كويس جدا والحمد لله أصحابى بيقولولى كده ....وكمان كنت بألعب فى مدرسه الكره فى نادى الزمالكوأنا صغير بس الأبتدائيه حالت بينى وبين النادى خصوصا انه كان بعيد جدا.ومن ساعتها وانا ما شوفتش نادى الزمالك وناوى أقدم تحت 18.
- بس يا فتك لو دخلت هندسه مش هتبقى فاضى . ولو مدخلتش هتلاقى ابوك بيقولك ايه الكلام الفارغ ده .. ولو عرفت تقنعه .. هادى دقنى اهه لو عرفت تطلع للفريق الأول الا لما يكون عندك 40 سنه .... وهما اساسا هيبيعوك لحرس الحدود.... طريقك مسدوم يا ولدى مسدود.
- طيب نفسى اطلع كاتب كبير مش لازم كتبى تتعمل أفلام زى أحلام معظم الكتاب . . لا ، انا عايز كتاب يتأثر به القارئ والحاجات دى وانا الحمد لله عندى الموهبه.
- موهبه على ايه ده انتا حمار... ده انتا مكسبتش فى بدايات الكان عندى امل انك تكسب فيه ... وانا اساسا معنديش أى امل انك تكسب فى مولوتوف ، لأن فى ناس بتكتب فيها عظماء.. فمش معقول هيخدوك انتا يا حمار.
- معلش انا لسه صغنن والناس دى كبيره وبتكتب من زمان وبعدين انا فى ثانويه عامه وفين وفين لما بكتب وهما قاعدين ليل نهار بيكتبوا.
- لا يا حمار مهو انتا لما تكبر هتبقى بغل .. يعنى يبقى الحال كما هو عليه وهما كمان هيكبروا وفى ناس تانيه هتكبر وانتا هتعمل ايه فى الزحمه دى ... يابنى الكار ده مش كارك.
- طيب نفسى أمثل ، انا شكلى لا بأس منه ، أمثل كوميدى أكشن ... انشاالله فيلم رعب المهم أمثل... كام مره وقفت قدام المرايا و قعدت أمثل وأتخيل نفسى جنب انجلينا جولى وجون ترافولتا وباضِرب من جاكى شان.
- هتمثل كان غيرك اشطر... اما اساسا ال متخارجين من معاهد التمثيل بيمثلوا أنهم متخرجين من كليه الطب والهندسه هتعمل انتا أيه يا خريج تجاره يا معفن ... اه اخك تجاره جايبلى 92 .. يادوب تلحق.
- طيب ما تبصلها بشويه تفائل.
- أعطينى مما أعطاك.
- يعنى أفرض دخلت هندسه وأخذت PRIVATE سنتين فى الموسيقى وحصتين فى الاسبوع علشان يبقى كورس مكثف وأبتدى من 2 جامعه علشان الاعداديه صعبه .. وتكتب فى أوقات الفراغ كده زى ما أنتا بتعمل وشويه شويه هتأخد الخبره والحبكه الدراميه ، ولما يكون عندك 18 سنه ولا حاجه قدم فى نادى الزمال تحت 20 ولو اثبت نفسك مش هيسبوك، والتمثيل بقى....
- خخخخخ خخخخ خ خ خخخخ خخخخخ.
- يا عقلى انتا نمت، ده انا لسه عندى احلام كتير.
- نام بقى الله يهدك.. مش انتا عايز تحلم نام يا حبيبى وأنتا تحلم...بلا طموح بلا كلام فاضى. الكلام ده يابنى مابيوكلش عيش.
- تصبح على خير يا متفائل ، والنبى أدينى حبه تفائل فى كيس .
- بتتريق ، عندك حق مهو المتفائل فى الزمن ده يبقى بايط.
ملحوظه : كتبت الخاطره دى قبل ما ربنا يكرمنى وادخل هندسه
تعليقات